aktau
15 маусым – «Біз бейбіт елдің ұланымыз!» күні15 маусым күні «Аққу» жазғы сауықтыру лагерінде
атты танымдық-тәрбиелік күн жоғары деңгейде ұйымдастырылды.
Күн демалушыларды қабылдаудан басталып, балалар таңғы жаттығу жасап, көтеріңкі көңіл күймен таңғы ас ішті.
Күннің алғашқы бөлімінде ұлттық өнерді дәріптеу мақсатында «Күй күмбірі» домбыра сағаты өткізілді. Балалар домбыраның үнімен танысып, күйлер тыңдап, ұлттық құндылықтардың маңызын тереңірек түсінді. Одан кейін өткен «Шахмат» сағатында оқушылар логикалық ойлау қабілеттерін дамытып, өзара тартысты ойындар көрсетті.
«Спорттық эстафета» барысында балалар өздерінің жылдамдықтарын, ептіліктері мен ұйымшылдықтарын сынап, салауатты өмір салтын насихаттайтын жарыстарға белсене қатысты.Түскі астан кейін демалушылар қызықты ойындарға қатысып, көтеріңкі көңіл күй сыйлаған шаралар арқылы уақыттарын көңілді өткізді. Тынығу сәтінен соң өткен музыка сабағында балалар ән айтып, ырғақтық жаттығулар орындап, шығармашылық қабілеттерін шыңдады.
Бесін астан кейін күн қорытындыланып, белсенділік танытқан балалар мадақталды. Демалушылар жаңа әсерлер мен жарқын естеліктерге толы күнді көтеріңкі көңіл күймен аяқтап, үйлеріне тарқасты.«Біз бейбіт елдің ұланымыз!» күні балалардың бойында патриоттық рухты, достықты, ұйымшылдықты және ұлттық құндылықтарға деген құрметті нығайта түсті.
