2026 жылғы 14 маусым күні «№1 ЖББМ» КММ жанындағы «Аққу» жазғы сауықтыру лагерінің ІІ ауысымы өз жұмысын бастады. Екінші ауысымға келген оқушыларды лагерь ұжымы жылы қарсы алып, көтеріңкі көңіл күй сыйлады.

Күннің алғашқы бөлімінде балалар лагерьдің күн тәртібімен, өткізілетін іс-шаралар жоспарымен және қауіпсіздік ережелерімен таныстырылды. Одан кейін таңғы жаттығу өткізіліп, балалар сергіп, көтеріңкі көңіл күймен таңғы ас ішті.

«Рәміздерім – мақтанышым» атты іс-шара барысында Қазақстан Республикасының Мемлекеттік Әнұраны орындалып, оқушылардың Отанға деген сүйіспеншілігі мен патриоттық сезімдері нығайтылды.

Үйірме жұмыстарында әр топ өз атауын таңдап, ұранын бекітіп, ерекше төсбелгілерінің эскиздерін әзірледі. Спорттық эстафеталар барысында балалар белсенділік пен ұйымшылдықтың жарқын үлгісін көрсетті.

Түскі астан кейін лагерьдің ашылу салтанатына дайындық жүргізіліп, қатысушылар концерттік бағдарламаларын пысықтады. Тынығу сәтінен соң ұйымдастырылған «Армандар орындалады» атты әсерлі шарада балалар өздерінің жүрекжарды тілектері мен армандарын түрлі-түсті шарларға жазып, оларды көкке ұшырып, жарқын болашаққа деген сенімдерін білдірді.

Күн соңында балалар алғашқы күннен алған әсерлерімен бөлісіп, ерекше көңіл күймен үйлеріне қайтты.

Осылайша, «Аққу» жазғы сауықтыру лагерінің ІІ ауысымының алғашқы күні қызықты, мазмұнды әрі есте қаларлықтай өтті.

#АққуЛагері #ІІАуысым #ЛагерьАшылуы #РәміздерімМақтанышым #АрмандарОрындалады #ЖазғыДемалыс #БақыттыБалалықШақ