aktau19 — ақпан күні Жыр алыбы – Жамбыл Жабаев
Ұлы ақынның 180 жылдығына орай мектебімізде «Балалар кітапханасы» жобасы аясында тағылымды іс-шара өтті.
Іс-шара барысында мектеп кітапханашысы Г. Урунбасарова оқушыларды Жамбыл Жабаевтың өмірбаянымен таныстырып, ақынның шығармашылығы мен өнегелі өмір жолы туралы кеңінен мәлімет берді.
4-сынып оқушылары ақынның өлеңдерін мәнерлеп оқып, жырдан шашу шашты. Ал 5 «А» сынып оқушылары Батырғали Аяулым мен Орынбасар Ақерке Жамбылдың өсиет сөздерін нақышына келтіре айтып, өзара айтыс ұйымдастырды.
Іс-шараға 4 және 5 сынып оқушылары белсене қатысып, рухани кештен үлкен әсер алды.
