Ақпан айының төртінші аптасы

атты дәйексөзбен бастау алды. Бұл сөз – бүгінгі қоғамның даму бағытын айқындайтын, әрбір адамнан ізденіс пен жаңашыл көзқарасты талап ететін маңызды ұстаным. Қазіргі таңда білім мен ғылымның, технологияның қарқынды дамуы – заман ағымына сай ойлай білуді, жаңа идеяларды жүзеге асыруды қажет етеді. Сондықтан да бұл аптаның басты мақсаты – оқушылардың шығармашылық қабілеттерін шыңдау, білімге деген қызығушылығын арттыру және жаңаша ойлау дағдыларын қалыптастыру болды.

Апта аясында сынып сағаттары ұйымдастырылып, «Жаңашылдық – заман талабы» тақырыбында кеңінен әңгіме қозғалды. Оқушылар өз ойларын ортаға салып, заманауи мамандықтар, жаңа технологиялар және білімнің маңыздылығы жөнінде пікір алмасты. Сынып сағаттары барысында түрлі тренингтер, пікірталастар және ой қозғау тапсырмалары өткізілді.

Сонымен қатар, «Балалар кітапханасы» жобасы аясында «Мен оқыған бір кітап» атты апталықтың ашылу салтанаты өтті. Шара барысында апталықтың мақсаты мен жоспары таныстырылып, оқушылар кітап оқудың маңыздылығы туралы ой бөлісті. Апталықтың негізгі мақсаты – балалардың кітап оқуға деген қызығушылығын арттыру, оқыған шығармалары бойынша өз пікірін еркін жеткізе білуге үйрету.