aktau
1 наурыз — Алғыс айту күніне орай мектебімізде ерекше лебізге толы шара өтті. Мектебіміздің
10 “А” сыныбының белсенді оқушылары ұстаздар арасында «Ашық микрофон» акциясын ұйымдастырды.
Шараның мақсаты: Оқушылардың бойында адамгершілік, сыйластық құндылықтарын дамыту және жақындарына, ұстаздарына, достарына деген шынайы алғысын жеткізуге мүмкіндік беру. Микрофон алдында:Үзіліс уақытында мектеп дәлізі нағыз мейірім мекеніне айналды. Оқушылар еш іріктеусіз, өз еріктерімен микрофон арқылы:
Аяулы ұстаздарына білім нәрін сепкені үшін;
Асыл аналары мен әкелеріне қамқорлығы үшін;
Адал достарына қиын сәтте қасынан табылғаны үшін жүрекжарды тілектерін білдірді.
10 “А” сынып оқушылары бұл бастама арқылы мектеп ұжымының бірлігін бекемдеп, мерекелік көңіл-күй сыйлады. Әрбір айтылған «Рақмет!» сөзі мектеп қабырғасында жылулық ұялатты.
Бір-бірімізге алғыс айтуды ұмытпайық, өйткені мейірімділік — әлемді құтқарады! 
