8 наурыз – Халықаралық әйелдер күніне орай мектебімізде ерекше мерекелік көңіл-күй орнады. Ер азаматтар қауымы нәзік жандыларды гүл шоқтарымен, әсем әуенмен қарсы алып, жүрекке жылы әсер сыйлады.

Осы айтулы күнге арналған мектеп өнерпаздарының “Арулар – асыл жандар” атты мерекелік концерті ұйымдастырылып, көрермендерге көтеріңкі көңіл-күй мен қуаныш сыйлады.

Мерекелік шара барысында әдіскер Унгарбаева Жаннат апай жүрекжарды лебізін білдіріп, барлық аруларды мерекемен құттықтады. Сонымен қатар, кәсіподақ төрайымы Джалгасбаева Ақгүлсім апай да ізгі тілектерін арнап, нәзік жандыларға зор денсаулық, бақыт пен табыс тіледі.

Барша аруларды көктемнің ең әсем мерекесі – 8 наурызбен шын жүректен құттықтаймыз!

Әрдайым жүздеріңізден күлкі кетпей, өмірлеріңіз қуаныш пен шаттыққа толы болсын!