Жиналысты ата-аналар комитетінің төрайымы Арманқызы Гүлзана жүргізді. Іс-шараға мектеп басшысы Туралиева Гүлмира Сабитқызы, мектеп мұғалімдері қатысып, ата-аналармен маңызды мәселелер төңірегінде пікір алмасты.

Күн тәртібінде қаралған мәселелер:

ІІІ тоқсандағы білім сапасының қорытындысы туралы — ОІМ Д.К. Тукимова баяндама жасады;

Weglobal.ai платформасын қолданудың маңыздылығы — мектеп психологы Ұ. Шагеда түсіндірді;

5–11 сыныптар бойынша аралық аттестаттау кестесі, дайындық сабақтарының ұйымдастырылуы туралы мәлімет берілді;

9 және 11 сыныптардың мектеп бітіру кештерін өткізу мәселелері талқыланды.

Жиналыс барысында ата-аналар тарапынан қойылған сұрақтарға жауап беріліп, ұсыныстар тыңдалды. Мектеп пен ата-ана арасындағы тығыз байланыс – бала тәрбиесінің негізі екені тағы да атап өтілді.

#АтаАнаЖиналысы #Мектеп #БалаТәрбиесі #БілімСапасы