aktau
Мектебімізде табиғатты аялауға бағытталған игі іс-шара жоғары деңгейде өтті. Акция барысында мектеп басшысы Г. Туралиева жүрекжарды сөз сөйлеп, қоршаған ортаны қорғаудың маңыздылығына тоқталды.
«Бір тал – бір отбасы» бастамасы аясында ата-аналар белсенділік танытып, мектеп ауласына:
37 қара тал
11 жеміс ағашы
6 раушан гүлі отырғызылды.Бұл – келер ұрпаққа жасалған үлкен қамқорлық пен табиғатқа деген шынайы жанашырлықтың белгісі.
Мектеп психологі Ұ. Шагеда мен әлеуметтік педагог А. Наурызова ұйымдастырған «Біз біргеміз» тренингі қатысушыларға көтеріңкі көңіл-күй сыйлап, бірлік пен ынтымақтастықты нығайтты.Таза ауада, көрікті аулада ұйымдастырылған “Plov Party “ шараның сәнін келтіріп, ата-аналар мен ұстаздар арасында жылы қарым-қатынас орнатты.
Іс-шараға барлығы 67 ата-ана мен 27 мұғалім қатысып, бірлесе еңбек етудің жарқын үлгісін көрсетті.
Табиғатты қорғау – баршамыздың ортақ міндетіміз. Осындай игі бастамалар жалғасын таба берсін!
