28 қаңтар күні мектебімізде 5-сынып оқушылары арасында «Мақал – сөздің мәйегі» атты танымдық іс-шара өтті. Сайысты қазақ тілі мен әдебиеті пәнінің мұғалімі Кубашев Бибарыс Ибрагимұлы ұйымдастырып, жүргізді.

Іс-шараның мақсаты – оқушылардың сөздік қорын байыту, ана тіліміздің қазынасы болып табылатын мақал-мәтелдерді насихаттау және балалардың логикалық ойлау қабілетін дамыту.

Сайыс төрт кезеңнен тұрды:

«Мақалды жалғастыр» – оқушылар берілген мақалдардың жалғасын тауып, білімдерін сарапқа салды.

«Жұмбақ шешу» – мектеп құралдары мен білімге қатысты жұмбақтар жасырылып, балалардың зеректігі тексерілді.

«Мағынасын тап» – берілген тұрақты тіркестер мен мақалдардың астарын түсіндіру кезеңі.

«Өз ойыңды айт» – топтарға арнайы сөздер беріліп, сол ұғымдардың мағынасын толық ашып, еркін сөйлеу шеберліктерін көрсетті.

Қызу тартыс пен білім бәйгесінің қорытындысы бойынша жүлделі орындар келесідей бөлінді:

І орын: 5 «Б» сыныбы (45 ұпай)

ІІ орын: 5 «А» сыныбы (43 ұпай)

ІІІ орын: 5 «Ә» сыныбы (39 ұпай)

Оқушылар іс-шара барысында белсенділік танытып, ана тілімізге деген құрметтерін білдірді.