«Балалар кітапханасы» жобасы аясында және «Мен оқыған бір кітап» кітап оқу айналымы шеңберінде мектебімізде ерекше форматтағы іс-шара өтті. Мектеп кітапханашысы Г. Урунбасарованың ұйымдастыруымен 10 минуттық үзілістер кезінде оқушылар үшін «Әдеби кафе» жұмыс істеді.

Бір апта бойы жалғасқан бұл шара оқушылардың оқыған шығармалары бойынша кері байланыс орнатуға бағытталды. Іс- шараға 5-9 сынып оқушылары үлкен қызығушылықпен қатысты.

«Әдеби дәмхананың» ережесі қарапайым әрі қызықты:

Оқушылар оқыған кітаптары бойынша қойылған сұрақтарға жауап беріп, өз білімдерін ортаға салды. Әрбір дұрыс жауап үшін «кафе» мәзірінен ерекше сыйлықтар:

Ыстық бауырсақтар;

Түрлі сусындар;

Тәттілер ұсынылды.

Бұл бастама оқушылардың кітап оқуға деген ынтасын арттырып, бос уақыттарын тиімді әрі дәмді өткізуге мүмкіндік берді. Рухани азық пен шынайы дәм ұштасқан «Әдеби кафе» мектеп тынысына ерекше серпін сыйлады.

Кітап оқып, рухани бай болайық!

#БалаларКітапханасы #МенОқығанБірКітап