aktau
2026 жылдың 4 маусым күні «№1 жалпы білім беретін мектеп» коммуналдық мемлекеттік мекемесі жанынан ашылған «Аққу» жазғы сауықтыру лагерінің алғашқы күні өз деңгейінде ұйымдастырылып өтті.
Лагерьдің басты мақсаты – оқушылардың жазғы демалысын тиімді ұйымдастырып, олардың бойына адамгершілік, ұйымшылдық, достық қасиеттерді қалыптастыру, салауатты өмір салтын насихаттау, ұлттық құндылықтарды дәріптеу және Отанға деген сүйіспеншілік сезімдерін арттыру.
Күн тәртібіне сәйкес балаларды қарсы алып, «Қош келдің, балақай!» атты шаттық шеңбері ұйымдастырылды. Оқушылар бір-бірімен танысып, көтеріңкі көңіл күйде лагерьдің алғашқы күнін бастады. Таңғы жаттығу жасап, таңғы астарын ішкеннен кейін әр топ өз атауларын таңдап, төсбелгілерін дайындады.
Сонымен қатар музыкалық сағат, спорттық эстафеталық жарыстар, үйірме жұмыстары, шығармашылық тапсырмалар өткізілді. Балалар қызықты мультфильм көріп, караокемен ән айтып, түрлі ойындарға белсенді қатысты. Күн соңында лагерьдің ашылу салтанатына дайындық жұмыстары жүргізілді.
Балалардың қауіпсіздігі мен бос уақытын тиімді ұйымдастыру басты назарда болды. Лагерьдің алғашқы күні көтеріңкі көңіл күймен, қызықты сәттерге толы өтті.
«Аққу» лагері – жарқын жаздың, қызықты демалыстың және жаңа достықтардың мекені! 
