2025–2026 оқу жылының қорытындысы бойынша өткен «Үздіктер шеруі» салтанатты іс- шара ерекше әсерге толы болды.

Іс- шара барысында білімде, өнерде, спортта және қоғамдық жұмыстарда белсенділік танытып, мектебіміздің мерейін өсірген дарынды шәкірттер марапатталды. Арнайы шақырылған қадірлі қонақтардың қатысуымен 90 оқушы марапат алып, үздіктердің мерейі үстем болды.

Іс-шараға аудандық білім бөлімінің әдістемелік орталығының әдіскері Таумуринова Фариза Машрыққызы, ардагер ұстаз Утеев Сәуірбай Өтеұлы, «Аялы алақан» қамқоршылық кеңесінің төрайымы Сұлтанова Дина Силағанқызы қатысып, шәкірттерге жүрекжарды тілектерін арнады.

Қараша–сәуір айлары аралығында ұйымдастырылған «Жыл үздігі» жобасының қорытындысы бойынша:

2–4 сыныптар арасында — Мұрзабай Айдын

5–8 сыныптар арасында — Аянбекұлы Әділжан

жеңімпаз атанып, арнайы велосипед сыйлығына ие болды.

Оқушыларға демеушілік көрсетіп, велосипед сыйлаған кәсіпкер Меерова Баян Тайжанқызына ерекше алғысымызды білдіреміз. Бұл — жас ұрпаққа көрсетілген үлкен қолдау мен қамқорлықтың жарқын көрінісі.

Кеш барысында әсем әндер шырқалып, өнерлі оқушылар көрерменге көтеріңкі көңіл-күй сыйлады.

Білімді, дарынды, талапты шәкірттеріміз көбейе берсін!

Мектебіміздің мерейі әрдайым биік болсын!