Бүгін «Аққу» жазғы сауықтыру лагерінің І ауысымының соңғы күні ерекше көңіл-күймен өтті. Күн балаларды қабылдау және бой жазу жаттығуларымен басталып, таңғы аспен жалғасты.

Таңғы астан кейін демалушылар қызықты ойындарға қатысып, көтеріңкі көңіл-күй сыйлайтын түрлі тапсырмаларды орындады. Спорттық ойындар барысында балалар өздерінің шапшаңдықтарын, ептіліктерін және ұйымшылдықтарын көрсетті.

«Ұлттық оюлар. Шебер қолдар» сайысында қатысушылар ұлттық нақыштағы ою-өрнектерді бейнелеп, шығармашылық қабілеттерін танытты. Түскі астан кейін ұйымдастырылған «Домбыра сағатында» балалар қазақтың ұлттық аспабы туралы мәлімет алып, күмбірлеген күй тыңдап, әсем әндер орындады.

Тынығу сәтінен соң өткен «Балауса» ханзадасы мен ханшайымы байқауында қатысушылар өз өнерлерін, білімдері мен тапқырлықтарын ортаға салып, көрермендердің ыстық ықыласына бөленді.

Күннің ең әсерлі сәті – лагерьдің белсенді қатысушыларына мақтау қағаздарын табыстау рәсімі болды. Жабылу салтанатында балалар жазғы демалыстың қызықты сәттерімен бөлісіп, ән айтып, би билеп, көтеріңкі көңіл-күймен қоштасты.

Осылайша, «Аққу» жазғы сауықтыру лагері І ауысымдағы жұмысын сәтті аяқтап, балаларға ұмытылмас әсер, жаңа достар мен жарқын естеліктер сыйлады.

Барша демалушыларға көтеріңкі көңіл-күй, жарқын жаз және жаңа жетістіктер тілейміз!

#АққуЛагері #ЛагерьЖабылуы #ЖазғыДемалыс #БалаусаХанзадасы #ДомбыраСағаты #БалаларШығармашылығы