aktau2026 жылғы 8 қаңтар күні 8–11 сынып оқушылары арасында
тақырыбында кәсіби бағдар беру іс-шарасы өтті. Іс-шараны педагог-кәсіби бағдар беруші Бекдаулетова Жанаргүл жүргізді. Іс-шараның мақсаты – оқушыларды құқық қорғау саласындағы мамандықтармен таныстыру, полиция қызметінің маңызын түсіндіру, патриоттық тәрбие беру және болашақ мамандық таңдауға бағыт-бағдар беру.
Кездесу қонақтары Қарақия аудандық полиция бөлімінің қызметкерлері болды. Кездесу барысында полиция қызметінің негізгі бағыттары таныстырылып, қызметкерлер өз мамандықтарының ерекшеліктері мен қоғамдағы рөлі туралы әңгімеледі. Сонымен қатар полиция қызметіне қойылатын талаптар, осы салада білім алуға болатын оқу орындары туралы жан-жақты ақпарат берілді. Оқушылар тарапынан қойылған сұрақтарға толық әрі нақты жауаптар берілді.
Іс-шара қорытындысында оқушылардың құқық қорғау саласындағы мамандықтарға деген қызығушылығы артты, заң мен тәртіпке деген құрметі қалыптасты және болашақ мамандықты саналы таңдауға ықпал жасалды. Кездесу оқушылар үшін танымдық әрі тәрбиелік мәні зор іс-шара болды.
